Psalms 51
Ya Mukulu wa Bayimbi. Zabbuli ya Dawudi. Nnabbi Nasani bwe yajja eri Dawudi, Dawudi ng’amaze okutwala Basuseba n’okutemula bba, Uliya.
1 aOnsaasire, Ayi Mukama,ggwe alina okwagala okutaggwaawo.
Olw’okusaasira kwo okungi
nziggyaako ebyonoono byange byonna.
2 bNnaazaako obutali butuukirivu bwange,
ontukulize ddala okuva mu kibi kyange.
3 cEbyonoono byange mbikkiriza,
era ebibi byange mbimanyi bulijjo.
4 dGgwe wennyini ggwe nnyonoonye,
ne nkola ebitali bya butuukirivu mu maaso go ng’olaba;
noolwekyo by’oyogera bituufu,
era n’ensala yo ey’omusango ya bwenkanya.
5 eDdala, nazaalibwa mu kibi;
kasookedde ntondebwa mu lubuto lwa mmange ndi mwonoonyi.
6 fOyagala amazima agaviira ddala mu mutima gwange.
Ompe amagezi munda ddala mu nze.
7 gOnnaaze n’ezobu ▼
▼Ezobu kimera ekisangibwa mu Asiya, era kikozesebwa okutuukiriza obulombolombo obw’enjawulo okutukuzibwa, mu Baebbulaniya
ntukuleonnaaze ntukule n’okusinga omuzira.
8 iOnzirize essanyu n’okwesiima,
amagumba gange ge wamenyaamenya gasanyuke.
9 jTotunuulira bibi byange,
era osangule ebyonoono byange byonna.
10 kOntondemu omutima omulongoofu, Ayi Katonda,
era onteekemu omwoyo omulungi munda yange.
11 lTongoba w’oli,
era tonzigyako Mwoyo wo Omutukuvu.
12 mOnkomezeewo essanyu ery’obulokozi bwo,
era ompe omutima ogugondera by’oyagala,
13 nndyoke njigirizenga aboonoonyi amakubo go,
n’abakola ebibi bakukyukirenga bakomewo gy’oli.
14 oOndokole mu kibi eky’okuyiwa omusaayi, Ayi Katonda,
ggwe Katonda ow’obulokozi bwange;
olulimi lwange lunaatenderezanga obutuukirivu bwo.
15 pAyi Mukama, yasamya emimwa gyange,
n’akamwa kange kanaakutenderezanga.
16 qTosanyukira ssaddaaka, nandigikuleetedde;
n’ebiweebwayo ebyokebwa tobisanyukira.
17 rSsaddaaka Katonda gy’ayagala gwe mwoyo ogutegedde okusobya kwagwo.
Omutima ogumenyese era oguboneredde,
Ayi Katonda, toogugayenga.
18 sOkulaakulanye Sayuuni nga bw’osiima.
Yerusaalemi okizzeeko bbugwe waakyo.
19 tOlyoke osanyukire ssaddaaka ey’obutuukirivu,
ebiweebwayo ebyokebwa ebikusanyusa;
n’ente ziweebweyo ku kyoto kyo.
Copyright information for
LugEEEE